Thursday, April 19, 2007

(151) காதல்..காதல்..காதல்..காதல்..போயின்.."நோ" சாதல்- 3

உங்க மனசுக்குள்ளே அமுக்கமா இருக்கும் காதல் பண்புக்கு "ஸ்டார்ட் மீஜிக்" சொல்லிட்டீங்கன்னு வச்சுக்குங்க..உடனே உடையைக் கிழித்துக்கொண்டு பைத்தியக்காரனாய் கீழ்ப்பாக்கம் போகாவிட்டாலும் ...கொஞ்சம் கொஞ்சமாக உங்கள் உள்ளத்தைக் கிளர்ந்தெழும் காதல் எண்ணங்களால் கிழித்துக்கொண்டு காதல் பைத்தியமாய் சத்தியமாய் திரிவது திகட்டாது!

மனசுக்குள் சலசலக்கும் இளையராஜா இசைக்கு, மனசுக்குள்ளேயே நடக்கும் டூயட்டுக்கு சொதப்பலா டான்ஸ் மூவ்கள் செய்ததற்கு செல்லக் கோபத்துடன் கண்டிக்கப்பட்டதாக ஒரு கற்பனையான கிராபிக்ஸ் க்ரியேட்டிவிட்டியைச் செய்துகொண்டே நண்பர்கள் கூட்டத்தில் இருக்கும்போது, நண்பர்கள் தங்களிடம் ஏதோ கதை, கதையாகச் சொன்னதுக்கெல்லாம் அனிச்சையாக சரின்னு தலையாட்டப்பட்டு கடைசியாக பில்லுக்குக் காசு தந்துடும்மான்னதும் ஏதோ உணவு விடுதியில் இருக்கீங்கன்னு முழிச்சுப்பீங்க...(அறுபது எழுபதுகிலோ ஆளான உங்களை நண்பர்களே கடத்திட்டு வந்திட்டதாக்கூட நினைக்கலாம் -காதல் கனவு கிராபிக்ஸ் அடர்த்தியைப் பொறுத்தது இது :-)) பசங்க எல்லாம் உங்களை ஏமாத்தறாதாவும்..முடியாது தரமாட்டேன்னு சொல்லி உறுதியா நின்னா நண்பர்களால் காட்டமாகக் கண்டிக்கப்பட்டு "நம்பிக்கை துரோகி" என்று பட்டம் பெறுவீர்கள்!


அது வரையிலும் இல்லாத அனுபவமான, ஒரே ஒரு நபர் குறித்த அடர்த்தியான எண்ணங்களே மனதில் 24மணிநேரமும் மேலோங்கும். காலையில் பல் துலக்கும்போது எதிரே கண்ணாடியில் பிம்பமாய்... அறிவியலைப் பொய்யாக்கி எங்கோ இருக்கும் காதல் பண்பின் டார்கெட் நபர் பிம்பமாய்த் தெரிய ஒரு அசட்டுத்தனமான / கண்றாவியான சிரிப்புடன் அன்றைய பொழுதைத் துவங்கித் துவைத்தெடுக்கும்.

மனுசன் எவனும் போவானான்னு இதுவரை நினைத்த தி.நகர ரங்கநாதன் தெரு மாதிரி சத்தம், இறைச்சல் கூடிய இடம் கூட காதல் பண்பு நினைப்புகளில் மிதக்க ஏற்ற ரம்மியமான இடமாகும்!

வழக்கமான வார்த்தைகளாகப் பேசுவதை மாற்றி எங்கும் எதிலும் கவிதைக்கோணம் மேலோங்கும்.

"வானத்தை வளைத்தேன் வில்லாய்
வாயெல்லாம் சிரித்தேன் பல்லாய்"
என்று புதுக்கவிதை பூபதியாக நீங்கள் எடுக்கும் அவதார அவஸ்தையில் உங்கள் நண்பர்களோடு தாய்த்தமிழும் கவிதையில் மாட்டிக்கொண்டு முழி பிதுங்கும்.

ஆங்கிலத்தின் நிலை அய்யோ பாவம். எனிமா தந்த மாதிரி கட்டாயமாக்கி கவிதையாக வெளித்தள்ளப்படும்! இம்ப்ரஸ் செய்தாகவேண்டுமில்லையா!! காதல் பண்பால் மொழிகளுக்கு நேர்வது இம்சையா!மேம்பாடான்னு பட்டி மன்றம் வைக்கலாம்!

என்ற போதும் சில மாதங்கள் / ஆண்டுகள் தொடரும் இந்தக் காதல் கோமாளித்தனங்களால் காதல் பண்பு துளிர்த்து காதல் அம்பு தாக்கிய ஒருவருக்கு அதுவரையிலும் தான் அறிந்த மொழிகளில் குறிப்பிடத்தக்க மேம்பாடு ஏற்படும் என்பது மினிமம் கேரண்டி!! (காதல் முடிவு(கள்) எப்படியாகினும்) ..(இந்த முதல் காதல் பிரைமர் மாட்யூல் முயற்சி என்பது அடுத்த காதல் முயற்சிக்குக் கண்டிப்பாக பெட்டர் டேக் ஆஃப் ஏற்படுத்தித் தரும் :-))

தங்கள் வெளித் தோற்றம் காட்சிப்பிழையாகத் தெரிந்துவிடக்கூடாது என்று மெனெக்கெடுவீர்கள்!

தாங்கள் சம்பாதிக்கும் பணம் சிபிZ/பல்ஸர் பைக், ப்ளையிங் மெஷின்/கில்லர் ஜீன்ஸ், அடிடாஸ் ஸ்போர்ட்ஸ் ஷூ, ரிம்லெஸ் /ரேபேன் கண்ணாடி, டைட்டன் கோல்ட் ப்ளேட்டட் மல்ட்டி டயல் வாட்ச், ரிவர்ஸிபிள் ட்யூயல் டோன் பெல்ட், திருவள்ளுவர்-அரசு விரைவு ஓட்டைப் பேருந்தில் பயணிக்க ப்ரீமியம் விஐபி ஒடிஸி ப்ரீப்கேஸ் என்று தேவைகள் முரண்பாடுகளைக் கொண்டிருந்தாலும் முனைப்பு காட்டி நவநாகரீகப் பொருட்களால் தங்களது வெளித்தோற்ற காட்சிப்பிழைக்கு முட்டுக்கொடுத்துக் கொள்வதற்குப் பெரிதும் இறைக்கப்படும்!

காதல் பண்பு கலந்த ரத்தம் உடலுக்குள்ளே மிக வேகமாகச் சுழலுவதால் எலெக்டிரிக் டிரெயினுடன் புறநகர் ரயில்நிலைய நடைமேடையில் போட்டியாக 40கிமீ வேகத்தில் ஓடி ஜெயிக்க வைக்கும்!

காதல் களத்தில் இறங்கிய பலருக்கும் "லவ்ஸ் மீ... லவ்ஸ் மீ நாட்.." எனும் நோய் தொற்றிக்கொண்டு, மெல்ல வேக மெடுத்து வியாபிக்கும்!! மாம்பலம், தாம்பரம் மாதிரியான ரயில் நிலைய VLR வெஜிடேரியன் லைட் ரெப்ரெஷ்மெண்ட் உணவகத்தில் அன்று தனக்கு கேட்டவுடன் 4இட்லி கிடைத்தால் தன் லவ் கண்டிப்பாக சக்ஸஸ் என்று பரிணாம வளர்ச்சி அடையும்!!

Love is an emotional disturbance between two fools என்பது 50% சரி என்று படும்:-))

ஒருதலை ராகம், இரயில் பயணங்களில், இதயக்கோவில் போன்ற கொடூரமான காதல்தோல்வியைச் சொல்லும் வெள்ளிவிழாப் படப் போஸ்டர்கள் கண்ணில் பட்டால் ஏனோ இனம் புரியாத ஒரு கிலி ஏற்படும் :-)) இந்த கிலி நீங்க பரிகாரமாக லவ்ஸ் மீ லவ்ஸ் மீ நாட் மீண்டும் ஒருமுறை பரிசோதனை செய்வீர்கள்!

இதுவரை ஒரு ரூபாய்க்கு தமிழில் பொங்கல் வாழ்த்து அட்டை கூட ஒருவருக்கும்அனுப்பிப் பழக்கமில்லை என்றாலும் "ஹிக்கின் பாதம்ஸ்" களில் ஒருபக்கம் இலவசமாக ஆக்ஸ்போர்டு டிக்ஸ்னரி ரெபர் செய்து கொண்டே சிறப்பு ஆங்கிலச் சொல்லாடல் நிறைந்த ஆர்ச்சீஸ் காதல் அட்டைகள் புதன்கிழமை வாங்கி மறுநாளான சாதாரண வார நாள் வியாழக்கிழமைக்கு காதல் டார்கெட் நபருக்கு வாழ்த்து அட்டை அனுப்பி "வழி" மொழிதலை தயங்கியோ/தீவிரமாகவோ செய்வீர்கள்!

அடுத்த பகுதியில் கொஞ்சம் சீரியஸாகச் சில விஷயங்களை அலசுவோம்!

அன்புடன்,

ஹரிஹரன்

4 comments:

Hariharan # 03985177737685368452 said...

36007
டெஸ்ட் மெசேஜ்!

சேதுக்கரசி said...

//அது வரையிலும் இல்லாத அனுபவமான, ஒரே ஒரு நபர் குறித்த அடர்த்தியான எண்ணங்களே மனதில் 24மணிநேரமும் மேலோங்கும். காலையில் பல் துலக்கும்போது எதிரே கண்ணாடியில் பிம்பமாய்... அறிவியலைப் பொய்யாக்கி எங்கோ இருக்கும் காதல் பண்பின் டார்கெட் நபர் பிம்பமாய்த் தெரிய ஒரு அசட்டுத்தனமான / கண்றாவியான சிரிப்புடன் அன்றைய பொழுதைத் துவங்கித் துவைத்தெடுக்கும்.//

:-)

Hariharan # 03985177737685368452 said...

வருகைக்கும் புன்னகைக்கும் நன்றி சேதுக்கரசி :-))

mglrssr said...

அண்ணே எப்டினே இப்டி பின்னு பின்னுனு பின்னறீங்க (ஆனால் உண்மை).

மங்களுர் சிவா