(95) எல்லோருக்கும் எனது 2007 புத்தாண்டு வாழ்த்துக்கள்

எனக்கு தனிப்பட்டு 2006 நல்ல சிறப்பான வருடம். வலைப்பூ உலகம் என்கிற இணைய உலக ஜோதியில் இணைத்துக்கொண்ட வருடம். ( பலருக்கு இதனாலேயே 2006 மோசமான வருடமாக இருந்திருக்கலாம் :-)) ;-)))

2006ல் வேறு எப்போதும் இல்லாத அளவுக்கு எனது மூளையை கசக்கியிருக்கிறேன். (உனக்கு மூளையே கிடையாதுன்னு உன் எழுத்துதான் சொல்லுதே என்று செல்லமாக ஓசை எழுப்புபவர்களுக்கு) அட்லீஸ்ட் இந்த 2006ல் என்னோட மூளையைத் தேட ஆரம்பித்து இருக்கிறேன்! இனிமையான சாம்பிராணி மணத்துடன் எனது எழுத்துத் தமிழ் மணம் வீசியது என்றே நான் நினைக்கின்றேன்!

இணைய வலைப்பூ வாசத்திற்குப்பின் வாசிப்புக்களால் அறிவு என்பது மேம்பட்டது. பல்வேறு மாற்றுக் கண்ணோட்டங்களை மிக அருகே இருந்து ஒன் டூ ஒன் என்கிற மாதிரி ரசித்து அனுபவித்து, விமர்சித்து, விமர்சனப்படுத்தப்பட்டு, வசவுகள் தராமலே வசவுமேல் வசவு வாங்கி மனோதிடம் மேம்படுத்தப்பட்டு, கருத்தைக் கருத்தாகப் பார்ப்பது என்பது கடினமான பக்குவம் என்று படித்ததன் அர்த்தத்தை முழுதும் உணர்ந்து பயணிக்க வலைப்பூ வாசம் உதவியது.

2006ல் எனது தனித்த நேரம் எனது வலைப்பூ மூழ்கலால் களவாடப்பட்டது என்ற போதும் பயனுள்ளதாகவே கருதுகிறேன். வீட்டில் எப்போதும் பெரிய சிந்தனைவாதி மாதிரி தனித்து இருக்கும்படி செய்து கொள்ளவேண்டியதில் எனது வலைப்பூ வாசம் வீட்டில் இருப்பவர்களால் எதிரியாகப் பார்க்கப்படுகிறது.

2007 புதிய ஆண்டில் வலைப்பூ வாசம் குறைத்துக் கொள்ள திட்டமிட்டிருக்கிறேன்!
(நான் திட்டமிட்டால் அது நடக்காது என்பது என் ராசி) எனவே உடனே மிகுந்த மகிழ்ச்சி அடைய வேண்டியது இல்லை :-)))

எனது பதிவைப் படிக்காத, படித்த, படித்துப் பின்னூட்டமிட்ட , பின்னூட்டமிடாத, விமர்சித்த, பாராட்டிய, வசவுகளை அள்ளித்தெளித்த என அனைவருக்கும் எனது 2007 ஆங்கிலப் புத்தாண்டு நல்வாழ்த்துக்கள்.

எல்லோரும் 2006ல் பெற்ற நல்-அனுபவங்களினும் கூடுதலாக இந்த 2007 புத்தாண்டில் இன்னும் சிறப்பான நல்ல அனுபவங்களைப் பெற்று தத்தம் நல்ல குறிக்கோள்களில் வெற்றியடைந்து மேலும் மேம்பட எனது நல்வாழ்த்துக்கள்.

மீண்டும் 2007 புத்தாண்டில் சந்திக்கலாம்.

அன்புடன்,

ஹரிஹரன்